She's the beauty

కలువ రేకుల కళ్ళతో , 
మరుమల్లెల నవ్వులతో ,
సిరిమువ్వల అందెలతో .. 
ఆమె అందం అద్భుతం !

హంసలకు నడక నేర్పగల - 
ఆమె అడుగులు,
కోయిలకు పాట నేర్పగల -
ఆమె పలుకులు ,
దేవకన్యలకు దేవతా ?
అనిపించే ఆమె సొగసులు అద్భుతం !

ఆమె స్పర్శ తగలగానే -
పూలు పులకించెను . 
ఆమె అడుగిడినంతనే -
నేల నర్తించెను . 
ఆమె చూపు సోకగనే -
మేఘం వర్షించెను . 
ఆమె సోయగం అద్భుతం !

ఆమెలోని కాంతులకు -
రాతురులు దారి తొలగెను . 
ఆమెలోని ప్రకాశానికి  - 
చంద్రుడు చిన్నబోయెను . 
ఆమెలోని సౌందర్యానికి -
ప్రకృతి అసూయ చెందెను . 

ఆమె అందం అద్భుతం . 
ఆమె సోయగం అద్భుతం . 
ఆమె అధ్భుతానికే  అద్భుతం !!